Back to Top
Versogramas en FILMIN

Versogramas xa pode verse en FILMIN!

Logo do seu paso pola edición online en FILMIN do Maldito Festival de Videopoesía, Versogramas incorpórase ao catálogo da plataforma. A partir de agora, poderedes visionar o documental en calquera momento, de maneira gratuíta dentro da vosa subscrición ou ben alugándoo por 3,95€ se non estades subscritos. Nesta ocasión, a versión lingüística de Versogramas dispoñible en FILMIN é a versión en español con subtítulos, a mesma que escollera o festival.

Versogramas fai un percorrido emocional pola videopoesía internacional, da man de entrevistas con videopoetas referenciais, fragmentos das máis variadas e impactantes pezas, e unha exploración das temáticas cotiás que son motor da creación e que nos fan conectar coa videopoesía: o amor, a soidade, o desexo, a morte…

O documental Versogramas está dirixido por Belén Montero e codirixido por Juan Lesta, que formaron a produtora Esferobite e traballan baixo o nome artístico DSK. O festival de arte audiovisual contemporánea Intersección dedicoulles na súa pasada edición o Foco DSK: Belén Montero e Juan Lesta. Para coñecelos mellor, deixámosvos esta entrevista realizada en Tres en la carretera de Radio 3 por Isabel Ruiz Lara a raíz do foco en Intersección, na que fan un repaso aos seus 20 anos de traxectoria e os seus últimos proxectos.